His Holiness Jotannano, the revered Supreme Buddhist Patriarch of Kampuchea (Cambodia)
ដាច់បាយអ្នកប្រកបអជីពនេះហើយបើចឹងមែន! ប្រសិនបើបួសតាមព្រះពុទ្ធ ត្រូវយល់ដឹងព្រះវិន័យ ៣ចំណុចៈ
👉 ភិក្ខុសាមណេរស្រោចទឹកឲ្យគ្រហស្ថ ដែលមិនមែនជាញោមប្រុសស្រីបង្កើតរបស់ខ្លួនឯង ត្រូវអាបត្តិទុក្កដ (ព្រោះការធ្វើសាមីចិកម្មដល់គ្រហស្ថ) ។
ចំណែកឯគ្រហស្ថវិញ ប្រើព្រះសង្ឃអ្នកមានសីលឲ្យស្រោចទឹកឲ្យនឹងមានទោស គឺបាប (កើតជាតិក្រោយនឹងជាខ្ញុំបម្រើគេ) ។
👉 ភិក្ខុសាមណេររៀនមន្តអាគមឩមអាមក្រៅព្រះពុទ្ធសាសនា (គឺព្រះត្រ័យបិដក) ត្រូវអាបត្តិទុក្កដ ព្រោះរៀនតិរច្ឆានវិជ្ជា (គឺវិជ្ជាដែលទទឹងផ្លូវសួគ៌និងនិព្វាន) ។
👉 ភិក្ខុសាមណេរចិញ្ចឹមជីវិតដោយការធ្វើយ័ន្ត កន្សែងយ័ន្ត ខ្សែកថា ឬស្តោះព្រួសជាដើម ត្រូវអាបត្តិទុក្កដ ព្រោះប្រកបក្នុងមិច្ឆាជីវៈ គឺការចិញ្ចឹមជីវិតខុស ។
-អាគមឩមអាម ព្រះពុទ្ធទ្រង់ហាមមិនឲ្យអ្នកបួសរៀនសូត្រកួចកាន់ ប្រកាន់ជ្រុលជ្រួស ភ្លេចគិតសីលផ្នួស ដើរស្តោះព្រួសគេ ។
ស្រង់ចាកវចនានុក្រមសម្តេចសង្ឃរាជ ជោតញ្ញាណោ ជួន ណាត
ប្រភព ឆាយ ឆាយា Chhaya Chhay